महाराष्ट्र गौरवगीत (Maharashtra GauravGeet) by RDHSir

आज १ मे  रोजी महाराष्ट्राच्या वर्धापनदिनानिमित्त राजेश डी. हजारे 'आरडीएच' ची रचना:

महाराष्ट्र गौरवगीत

कवी: राजेश डी.हजारे (आरडीएच)

---

देश अमूचा महाराष्ट्र हा

मराठी अमूची माती

लढले योद्धे शूर मराठे

या प्रिय राज्यासाठी ||धृ.||

इथेच लढले शिवबा माझे

जगभर त्यांची ख्याती

साक्षर करण्या स्त्रीयांना

झिजली क्रांतीज्योती

इथलीच प्रतिभा जाहली पहिली

महिला राष्ट्रपती ||१||

महाराष्ट्र ही संतांची भूमी

इथे अध्यात्म नांदती

पंढरपूरला शोभे वारी

भागेच्या तीरावरती

मी माथा टेकितो गीतामधुनी

पांडुरंगाच्या तीर्थी ||२||

हिंदू-मुस्लिम-शीख-ईसाई

-पंजाबी-गुजराती
आम्ही सगळे बंधू-भगिनी

पाहून घ्या हो प्रीती

ईद-दिवाळी-नाताळ-पाडवा

करतो हो संगती||३||

आम्ही सगळे शूर मराठे

तगडी अमूची छाती

क्रांती करण्या महाराष्ट्राची

मशाल घ्या हो हाती

'आरडीएच' संगे चला पेटवू

राज्यक्रांतीची ज्योती||४||

---

कवी: ©राजेश डी.हजारे (आरडीएच)

भ्रमणध्वनी क्र.: ७५८८८८७४०१

विरोप पत्ता: contact@rdhsir.com

संकेतस्थळ: www.rdhsir.com

गोंदिया जिल्हाध्यक्ष-अ.भा.मराठी साहित्य परिषद पुणे

मूळ रचना: ३० डिसेंबर २०१२, सोमवार (ब्लॉसम पब्लिक स्कूल, देवरी )

---

'महाराष्ट्र दिन' व 'कामगार दिन' च्या सर्वांना हार्दिक शुभेच्छा..!!!

---

©सदर कवितेचे सर्वाधिकार कवी राजेश डी. हजारे कडे सुरक्षित असून लिखित परवानगीशिवाय ही कविता निनावी अथवा नाव बदलून अग्रेषित करता येणार नाही.